РЕЗОЛУЦИЈА ЗА ПРИСТАПНИ ПРЕГОВОРИ: Може ли таа да смени нешто за Македонија?
Објавено во: Македонија 23 Октомври, 2019
Европскиот парламент утре ќе гласа за Резолуција за почеток на пристапните преговори со Северна Македонија и Албанија.
Oва е документ со девет точки во кои се изразува разочарување за недонесената одлука, која оди на штета на кредибилитетот на Европската Унија. Премиерот Зоран Заев денеска изјави дека не знае што пишува во Резолуцијата, но смета дека тоа што се подготвува е од голема помош.
Европскиот парламент ги повикува земјите-членки да покажат одговорност кон Албанија и Северна Македонија и да донесат едногласна позитивна одлука за отворање преговори.
Предвидено е ЕП да изрази жалење поради одлуката на земјите членки да го блокираат стартот на преговори со двете земји. Во верзијата на Социјалдемократската група се критикува „улогата на претседателот на Франција и други земји членки во овој поглед”.
За датумот за преговори треба повторно да се разговара во Рим во ноември, а одлуката да биде преиспитана следната година во мај на Самитот во Загреб.
Поради ветото од Франција, Македонија и Албанија во Брисел не добија датум за преговори со ЕУ.
Во Македонија на 12 април ќе се одржат избори. Вака одлучи власта по исходот од Брисел.