Роднина го бара накитот од 7.000 евра кај жртва од автобуската несреќа во Бугарија
Објавено во: Македонија 20 Јануари, 2022
Роднини на загинатите и преживеаните во автобуската несреќа на „Беса транс“ на магистралата Струма пред Окружниот суд во Перник побараа паралелна истрага за несреќата, а еден од нив тврди дека на неговата снаа и недостасува накит во вредност од 7.000 евра.
БНТ пренесува дека семејствата на загинати, меѓу кои имаше 45 жртви, бараат повеќе информации за накитот вреден неколку илјади евра кој го имале патниците во изгорениот автобус на „Беса транс“.
Еден од роднините е Кјамуран Пајазитовски кој тврди дека неговата снаа за време на патувањето со себе имала накит вреден седум илјади евра.
– Златото не гори, Нашите власти треба да ни кажат дали имаме злато, сочуван багаж или пари, изјавил Пајазитовски за БНТ.
Семејствата на загинатите се уште ги чекаат предметите, во сопственост на нивните блиски, кои биле сочувани во несреќата. Тие се вратени од бугарските истражни органи во Македонија, но процедурата за идентификација на предметите се уште не е почната.