Романија „гори“' откако му забрани на популарниот десничар Ѓорѓеску да учествува на претседателските избори
Објавено во: Балкан 10 Март, 2025 09:38
Романија од вчера се соочува со народен бунт откако го исклучи популарниот независен кандидат Калин Ѓорѓеску од можноста да учествува на повторените претседателски избори.
Претседателските избори во редовниот термин на 24 ноември беа прекинати откако Ѓорѓеску освои најмногу гласови, а потоа беше прогласен за „Путинист“ на големо незадоволство на народот и беше одлучено гласањето да биде повторено.
Романската изборна комисија ја отфрли кандидатурата на екстремно десничарскиот кандидат за претседателските избори во мај, одлука што предизвика негодуавње кај неговите поддржувачи. Изборната комисија само соопшти дека кандидатурата е отфрлена без никакво образложение.
Ѓорѓеску беше фаворит во анкетите со околу 40 отсто од гласовите,а сепак може да поднесе жалба до Уставниот суд. Тој на платформата Х оцени дека тоа е „директен удар за демократијата во светот“.
Во редок потег во Европската унија, Уставниот суд го поништи гласањето по наводите за руско мешање, а нови избори беа закажани за мај во многу тензична атмосфера.
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
