Романската Влада демантира дека се продавале бургери со коњско месо

Добивај вести на Viber

Романската Влада ги отвфрли сомнежите за тоа дека некои романски фирми продавале коњско, наместо само говедско месо за бургерите во рестораните за брза храна и во готовите јадења од мелено месо. „По проверката што е направена, не се најдени никакви докази дека романските добавувачи на мелено месо не ги почитувале стандардите и нормите за производство на храна на ЕУ“ изјави премиерот на Романија Виктор Понта . Две романски фирми се обвинети во Западна Европа, а пред се во Франција и Велика Британија, дека спорното месо е приготвено и набавено во Романија. Британската Влада денеска прогласи мораториум на внесување месо кое не одговара на европските правила, а министерот за аграр Овен Патерсон го нарече целиот случај како обичен „криминален заговор“. Франција нареди детална контрола на месото во сите сампослуги и хипермаркети, а седум синџири супермаркети ја повлекоа целата храна направена од мелено месо. Романскиот премиер Понта, меѓутоа, инсистира дека нема прекршување на правилата на ЕУ, ниту од некоја романска фирма, ниту од фирма која работела на територијата на Романија. „Да бидам искрен, многу сум гневен поради овие обвинувања“, рече романскиот премиер Виктор Понта.