Добивај вести на Viber
Денеска беше отворена првата повеќенаменска спортска сала во општина Маврово, поточно во селото Ростуше. Салата има површина од 1.300 метри квадратни и капацитет од 400 седишта,а беше отворена како дел од проектот на Агенцијата за млади и спорт (АМС) за изградба на 35 спортски сали и 50 фудбалски игралишта.
Во неа ќе може да се игра и мал фудбал, ракомет, кошарка, одбојка, гиманстиока и пинг-понг, а ќе може да ја користат сите спортски клубови, спортисти и ученици.
Инвестицијата е тешка 35 милиони денари, а изведувач на работите беше ГП „Пелагонија“. Планирано спортската сала „Македонија“ да биде дел од поголем спортско рекреативен комплекс „Радика“, за кој ќе се прави по пат на јавно-приватно партнерство.
Покрај спортската сала, во Ростуше наскоро ќе биде готова фасадата и системот за греење во Средното општинско училиште, во кое беа доизградени осум нови простории, а со средства од Светска банка треба да почне целосна реконструкција на водоводот.