РУБИО: Договорот за ставање крај на војната во Украина мора да биде прифатлив за сите

Добивај вести на Viber

Американскиот државен секретар Марко Рубио денеска изјави дека договорот за ставање крај на војната во Украина мора да биде прифатлив за сите страни, вклучувајќи ги Украина, Русија и Европа. 

Ова го соопшти по разговорите меѓу делегациите на САД и Русија во Ријад, во Саудиска Арабија, во кои учествуваше и рускиот министер за надворешни работи, Сергеј Лавров. Тој додаде дека никој нема да биде игнориран, а Европската унија ќе биде вклучена во преговорите во некоја фаза.

„Сите кои се вмешани во конфликтот во Украина треба да бидат согласни за одлуката за негово прекинување. Целта на преговорите за ставање крај на војната во Украина е да се постигне праведен, траен и одржлив мир“, вели Рубио.

Тој информираше дека во Ријад е постигнат договор со Москва во четири области.

Украинските власти веќе соопштија дека нема да прифатат договор кој се носи без нивно учество. Руската инвазија на Украина почна на 24 февруари 2022 година. Американскиот претседател Доналд Трамп сака брзо да ја заврши војната, затоа што како што рече, загинале голем број луѓе и ако тоа продолжи ќе биде многу лошо.  

фото МИА