Добивај вести на Viber
Главниот рударски инспектор во Федерацијата Босна и Херцеговина Нурага Дурановиќ сопшти дека се лоцирани телата на четворица загинати рудари во рудникот за јаглен Распоточје кај Зеница, додека до телото на петтиот рудар ќе биде многу тешко да се дојде.
„Очекуваме во текот на денот да ги извлечеме телата, но не можеме да прецизираме кога. Лоциравме четири тела, а за петтиот знаеме каде бил во моментот на несреќата. Но до него ќе биде многу тешко да се дојде, бидејќи долу има голем одрон“, вели тој.
Петмина рудари загинаа во несреќата предизвикана од т.н. „горски удар“ во рудникот. Во окната останаа заробени 34 рудари, на длабочина од 800 метри, а со огромни напори спасувачките екипи успеаја да извлечат 29 од нив.
Операцијата за извлекување на телата на настраданите вчера беше прекината заради безбедносните услови и новиот горски удар кој беше почувствуван во рудникот.