Румен Радев очекува гаранции од Македонија
Објавено во: Македонија 08 Февруари, 2022
Бугарскиот претседател Румен Радев очекува гаранции од Македонија. Вели дека Бугарија очекува уставни гаранции за почитувањето на правата на македонските Бугари.
„Бугарија не очекува нови гаранции, туку уставни гаранции за почитување на правата на македонските Бугари, со нивно додавање во преамбулата на Уставот на Република Северна Македонија, заедно со наведените други делови на народите“, рече Радев.
Вели дека тоа треба да се случи пред почетокот на преговорите за членство во ЕУ.
Во Македонија, министерот за надворешни работи Бујар Османи денеска се сретнал со Петар Колев, претседател на Граѓанско демократската унија во Македонија.
Како што објави на Фејсбук, средбата била за размена на мислења за актуелните внатрешно – политички актуелности, но и за севкупниот контекст на односи во врска со обновениот дијалог меѓу владите на Македонија и Бугарија.