Русија го урива советскиот рекорд во производството на нафта?

Добивај вести на Viber

До 2018 Русија би можела да произведува околу 11,65 милиони барели и така да го собори советскиот рекорд од пред 30 години.

Тогаш имено, дневно се произведувало 11,42 милиони барели нафта (1987 година) објави Блумберг.

Според прогнозите на аналитичарите на Голдман Сакс Групата „производството на нафта ќе расте во наредните три години и ќе се зголеми за додатни 590 илјади барели, што вкупно ќе изнесува 11,65 милиони барели дневно“.

„Ние и понатаму позитивно го оценуваме секторот за производство на нафта во Русија“, вели раководителот на аналитичката група Голдман Сакс Гејдар Мамедов, додавајќи дека „руските нафтени корпорации, во моменталните услови, спаѓаат во мал број корпорации кои можат со сигурност да ги реализираат зацртаните цели и без проблеми да ги исплатуваат дивидендите“.

Аналитичарите на Голдман Сакс нагласиле и дека „ОПЕК не успеа да го усвои планот за ограничување на понудата на нафта на пазарот, па паралелно на тоа, Русија, како најголем светски извозник, во април годинава најави зголемување на својот извоз. Тоа, значи, дека Роснјефт ќе го зголеми производството, посебно кога се земе обзир развојот на нови наоѓалишта во Сибир“.

Како што сметаат во компанијата Голдман Сакс, во 2016 година производството на нафта во Русија ќе изнесува 11,21 милиони барели дневно. Максималниот руски показател бил 11,06 милиони барели . А во 2017 производството на нафта во РФ може да достигне 11,47 милиони барели дневно.

Меѓутоа, како што пишува Блумберг, во Меѓународната агенција за енергетика сметаат дека 2018 година нивото на производство на нафта во Русија, напротив, ќе падне на 10,94 милиони барели дневно.