Русија купува 35 американски „Боинг 737“
Објавено во: Стил 02 Ноември, 2012
Рускиот индустриски конгломерат и производител на воздушната опрема во државна сопственост „Russian Technologies“ ќе купи 35 авиони Боинг 737 MAX од САД за 3,5 милјарди долари, објавија вчера двете компании во заедничкото соопштение.
Боинг неодамна предвиде дека Русија и соседните земји во наредните 20 години ќе имаат потреба од 1140 нови авиони во вредност од 130 милијарди долари.
„Русија станува клучен партнер во сè што правиме. Ова е од суштинско значење не само за нашето производство, туку и за инженерството, вселенската програма и услугите", рече претседателот и извршен директор на Боинг, Рејмонд Конор на прес-конференцијата во Москва.
