Русија не може да ги евакуира своите државјани од Јемен
Објавено во: Свет 01 Април, 2015
Предводена од Саудиска Арабија коалиција од арапски држави, кои водат операција против шиитските бунтовници хуси во Јемен, не го пуштаат рускиот авион во Јемен за евакуација на државјани на Русија, пренесоа агенциите.
Коалицијата „му забранила на рускиот авион да ги евакуира од Јемен граѓаните на Русија, и покрај претходниот аранжман“, посочува локална телевизија, без дополнителни коментари или појаснувања.
Претходно денеска јеменскиот министер за надворешни работи Ријад Јасин, кој најде засолниште во саудиската престолнина Ријад, побарал од меѓународната коалиција да испрати на помош копнени сили.
„Ги повикувам за испраќање на копнени сили, бидејќи мислам дека во даден момент воздушните напади ќе станат неефикасни“, изјавил Јасин.