Русија сака парче од државниот имот на Грција

Добивај вести на Viber

Русија пројавува сé поголем интерес за приватизацијата во Грција . Руските државни железници го разгледаат купувањето на грчкиот железнички оператор. Газпром пак ги обнови преговорите за гасната компанија DEPA . Грција се надева дека приватизацијата ќе и донесе на нејзината економија 19 милијарди евра , која ќе помогне во намалувањето на долгот. Приватизацијата на државниот имот , која е поставена како услов од меѓународните кредитори на Грција - цвета . Во јули Атина не успеа да ја продаде DEPA , откако Газпром се откажа од договорот поради загриженоста за финансиска стабилност на компанијата. Засега Газпром само го обновува дијалогот . Русија е заинтересирана за развој на трговско- економската соработка со Грција , коментира претседателот на Советот на Руската Федерација, Валентина Матвиенко , која ја посети Атина неделава. Приватизацијата на грчките железници може да донесат солидни приходи, а земјата ќе стане дел од евроазиската транспортна мрежа. Тоа од своја страна ќе придонесе за удвојување на протокот на патници и товар од Европа и кон неа. Грчките железници превезуваат 15 милиони патници и 4,5 милиони тони товар годишно, што пак води до повеќе од 148 милиони евра приходи. Русија и Грција одамна одржуваат силни економски врски,  главно преку туризмот. Само минатата година 1,2 милиони Руси ја посетиле Грција, а секој руски турист троши во просек по 1.000 евра за шопинг и забава во Грција - одлична финансиска инјекција за грчката економија . Москва и Атина работат напорно и за укинувањето на визниот режим , што ќе го олесни движењето на туристите. Грција е и дом на многу Руси - околу 300 000 руски граѓани живеат на територијата на оваа  земја.