Добивај вести на Viber
Русија ќе и обезбеди на Србија кредит од 800 милиони долари. Договорот денеска бил потпишан од рускиот министер за финансии Антон Силуанов и српскиот колега Млаѓан Динкиќ, пренесе ИТАР-ТАСС.
Дадените средства ќе бидат искористени од Србија за изградба и модернизација на железничката инфраструктура на најважните меѓународни правци, како и за купување на руски дизелмоторни возови. Рокот на отплата на кредитот е пет години, а годишната каматна стапка изнесува 4,1 отсто.
Вкупната вредност на проектот за српската железница е проценета на 920 милиони долари, а Србија ќе мора да обезбеди 15 отсто од парите, односно 120 милиони долари, пренесоа српските медиуми, предвидено е во работите околу железничката инфраструктура руските компании учествуваат со 70%.