„S & P“ ја менува методологијата и во Европа

Добивај вести на Viber

Откако предизвика скандал со промената на системот за рејтинг на хартии од вредност обезбедени со хипотеки во САД, „Standard & Poor's Rating Services“ (S & P) соопшти дека сега ќе прави промени и во методологијата за европскиот пазар во делот на хипотекарни кредити, пренесува Ројтерс. „S & P“ тврдат дека со ажурирањето на критериумите направено е подобрување на пристапот при доделувањето на рејтинзите на хипотекарни деривати, со кои се тргува на европските пазари. Според Агенцијата, со промената е воведена потранспарентна рамка за анализа на пазарот на деловен простор и структурата на трансакции. Две области се клучни во новата аналитичка рамка според која се определува рејтингот - квалитетот на кредитите и механзмот на паричните текови, посочуваат од Агенцијата. Овие критериуми важат за сите нови и постојни проценки на европските хартии од вредност обезбедени со хипотеки. „Ние очекуваме дека ажурирањето на критериумите ќе има умерено влијание врз недовршените трансакции со хартии од вредност обезбедени со хипотеки. Веќе е направено тестирање на системот“, посочуваат од Агенцијата. Новите критериуми за оценка ќе влезат во сила од 6 декември.