САБОТА СПРОТИ НЕДЕЛА СТРЕЛКИТЕ НА ЧАСОВНИКОТ ОДАТ ЕДЕН ЧАС НАНАПРЕД: Од 30. март почнува летното сметање на времето
Објавено во: Македонија 24 Март, 2025 13:58
На крајот на март почнува летно сметање на времето Летното сметање на времето во 2025 година почнува на 30 март во 02:00 часот, а потоа ги поместуваме часовниците за еден час нанапред, до 03:00 часот.
Во 2018 година, Европската комисија предложи укинување на сезонските промени на времето, односно поместувањето на часовниците двапати годишно. Оваа иницијатива беше поттикната од јавната консултација во која учествуваа 4,6 милиони граѓани на ЕУ, при што над 80% од нив се изјаснија против поместувањето на часовниците. Главните аргументи беа поврзани со здравствени проблеми, нарушување на биоритамот, намалена продуктивност и неефикасноста на оваа практика во заштедата на енергија.
Европската комисија предложи секоја земја-членка да одлучи дали ќе остане на летно или зимско сметање на времето, а последното задолжително поместување на часовниците требаше да биде во 2019 или 2020 година. Сепак, поради различните ставови на земјите-членки и потенцијалните компликации за внатрешниот пазар на ЕУ, одлуката беше одложена. Советот на ЕУ, кој треба да даде финална согласност, сè уште нема донесено конкретна одлука, па сезонските промени на времето остануваат на сила барем до 2026 година.
Проблемот со укинувањето на летното сметање на времето е што различни земји имаат различни интереси. Додека северните и западните држави повеќе се залагаат за задржување на зимското сметање на времето, јужните и источните земји претпочитаат летно време заради подолгите денови и економските бенефити. Досега, не е постигната усогласеност меѓу членките на ЕУ, па времето сè уште се менува двапати годишно.
Можеби ќе ве интересира
MOJСОСКА ЗА СНИМКАТА КАДЕ РАДОВИШАНЕЦ ТЕПА БРЕМЕНА ЖЕНА: Ова е општество на лудаци на слобода
ПЕТАР ШАПЕ: Ќе поднесам иницијатива МКЦ да го носи името на Андреј Ѓорѓиески-ДНК
(ВИДЕО) СТИПЕНДИЈА ЗА ЈОВАН КОСТАДИНОВ: Mицкоски рече дека тој е светла точка во деновите на темнина
ЗА ПОЖАРОТ ВО КОЧАНИ: Двајца поранешни градоначалници пуштени во куќен притвор
ДУИ: Сопственикот на клубот полицијата го однесе без лисици, а Бектеши со лисици
ТАРАВАРИ: Пет пациенти од странство се враќаат во Македонија, а четворица и натаму се во критична состојба
Митева: Контролите продолжуваат, пет инспекциски екипи се активно на терен и вршат проверки на објекти наменети за прослави и големи собири
СДСМ: УЈП не побарал стечај за фирмата сопственик на дискотеката „Пулс“, а сметката им била блокирана 217 дена
