СТОПАНСКА БАНКА СКОПЈЕ ПОДГОТВУВА НАСЛЕДНИК НА ИЗВРШНИОТ ДИРЕКТОР - Николетопулос останува сѐ додека новиот прв човек не ги добие сите потребни согласности
Објавено во: Финансии 25 Март, 2025 10:28
Најстарата и една од најголемите банки во земјава, Стопанска банка Скопје, се подготвува за нов директор кој би застанал на кормилото на оваа успешна банка.
Како што е познато, во моментов функцијата Претседател на Управниот одбор и генерален извршен директор на банката ја извршува Диомидис Николетопулос.
Банката вчера преку Македонската берза за долгорочни хартии од вредност ја информираше инвеститорската јавност дека го почнува процесот на наследување, односно сукцесија на позицијата генерален извршен директор и претседател на УО. А се додека новиот кандидат не ги добие сите потребни согласности, на позицијата останува Диомидис Николетопулос.
„Известуваме за следната ценовно чувствителна информација. Согласно важечките регулаторни обврски и интерните политики за добро корпоративно управување, Стопанска банка АД – Скопје информира дека започнува процес на наследување (сукцесија) на позицијата на Генерален извршен директор и Претседател на Управен одбор. Г-дин Диомидис Николетопулос останува на позицијата се додека новиот кандидат кој ќе се именува не ги добие сите потребни согласности, со цел обезбедување на континуитет и соодветна транзиција“, се вели во објавата на Стопанска банка Скопје.
Се очекува во наредниот период оваа банка да објави кој ќе биде наследник на оваа престижна позиција.
Како што е познато, доминантен сопственик на Стопанска банка Скопје е Националната банка на Грција, која поседува дури 94,64 отсто од капиталот на банката.
Потоа, 1.391 домашно физичко лице поседуваат 3,41 отсто од капиталот, додека, пак, 122 домашни правни лица поседуваат 1,88 отсто од обичните акции издадени од оваа банка.
Стопанска банка Скопје ја подобри својата пазарна позиција во 2024 година. Ги зголеми своите оперативни приходи, значајно го зголеми кредитирањето и годината ја заврши со умерен раст на добивката. Резервациите се за нијанса помали, а профитот на крајот на 2024 година изнесува 57,7 милиони евра, покажуваат официјалните податоци од неревидираниот финансиски извештај објавен на СЕИ НЕТ платформата на Македонската берза.
Стопанска банка Скопје е една од трите најголеми деловни банки во Македонија и вредноста на нејзиното кредитно портфолио за коминтентни (без банки) изнесува 1,61 милијарда евра на крајот на 2024 година. Кредитирањето е зголемено за 106,8 милиони евра во споредба со крајот на 2023 година.
Депозитната база на банката изнесува 1,76 милијарди евра на крајот на 2024 година. А тоа е 138 милиони евра повеќе од 2023 година.
Н.Н.Ф.Можеби ќе ве интересира
ВО ОВОЈ РЕГИОН ЌЕ ВИ ПЛАТАТ САМО ДА СЕ ДОСЕЛИТЕ: Даваат пари и за реновирање на домот, може да добиете и до 100.000 евра
ВО ОВОЈ РЕГИОН ЌЕ ВИ ПЛАТАТ САМО ДА СЕ ДОСЕЛИТЕ: Даваат пари и за реновирање на домот, може да добиете и до 100.000 евра
СО ШТО СЕ ЗАНИМАВА НАЈБОГАТИОТ ГЕРМАНЕЦ? Неговата компанија крие темно минато
СО ШТО СЕ ЗАНИМАВА НАЈБОГАТИОТ ГЕРМАНЕЦ? Неговата компанија крие темно минато
ЛУЃЕТО САКААТ ДА ШТЕДАТ ВО ДЕНАРИ, СУМАТА СЕ БЛИЖИ ДО ТРИ И ПОЛ МИЛИЈАРДИ ЕВРА - каде и како решивте да ги вложите вашите слободни пари
ЛУЃЕТО САКААТ ДА ШТЕДАТ ВО ДЕНАРИ, СУМАТА СЕ БЛИЖИ ДО ТРИ И ПОЛ МИЛИЈАРДИ ЕВРА - каде и како решивте да ги вложите вашите слободни пари
РОДИ МЕ МАЈКО СО КСМЕТ, КОМЕСАР ДА БИДАМ: Земаат околу 28.000 евра плата, ама во споредба со платата на Фон дер Лајен тоа не е ништо
РОДИ МЕ МАЈКО СО КСМЕТ, КОМЕСАР ДА БИДАМ: Земаат околу 28.000 евра плата, ама во споредба со платата на Фон дер Лајен тоа не е ништо
ПРВАТА ТРАНША ВО ВИСИНА ОД 52,4 МИЛИОНИ ЕВРА „ЛЕГНА“ НА СМЕТКАТА: Муртезани со детали за парите од ЕУ
ПРВАТА ТРАНША ВО ВИСИНА ОД 52,4 МИЛИОНИ ЕВРА „ЛЕГНА“ НА СМЕТКАТА: Муртезани со детали за парите од ЕУ
ДОБРО ПОГЛЕДНЕТЕ ВО ПАРИЧНИЦИТЕ: Оваа монета од 20 центи вреди 10.000 евра
ДОБРО ПОГЛЕДНЕТЕ ВО ПАРИЧНИЦИТЕ: Оваа монета од 20 центи вреди 10.000 евра
ОД УТРЕ ПОЧНУВА ИСПЛАТАТА НА ПОМОШТА ЗА СЕМЕЈСТВАТА НА НАСТРАДАНИТЕ: Еве ги деталите
ОД УТРЕ ПОЧНУВА ИСПЛАТАТА НА ПОМОШТА ЗА СЕМЕЈСТВАТА НА НАСТРАДАНИТЕ: Еве ги деталите
ОТРОВ ШТО ДОНЕСЕ МИЛИЈАРДИ: На индустријата и требаа години да се ослободи од црвената боја
ОТРОВ ШТО ДОНЕСЕ МИЛИЈАРДИ: На индустријата и требаа години да се ослободи од црвената боја
ТРАМП САКА САМО ЕДНО: Кој ќе попушти прв, Зеленски или Путин?
ТРАМП САКА САМО ЕДНО: Кој ќе попушти прв, Зеленски или Путин?
