САД ќе и помага на Русија за безбедноста во Сочи
Објавено во: Свет 05 Јануари, 2014
САД се подготвени да и помогнат на Русија, по минатонеделните извршени два напада, да ја гарантира безбедноста за време на зимските олимписки игри во Сочи, изјави американскиот министер за одбрана Чак Хејгл во телефонскиот разговор со рускиот колега Сергеј Шојгу.
Тој го уверил Шојгу дека САД се подготвени да и испратат на Русија помош во областа на безбедноста за време на олимпијадата доколку Москва го побара тоа, се наведува во соопштението на портпаролот на пентагон, Џон Карби.
Американскиот министер ги осудил самоубиствените напади во Волгоград, во кои загинаа 34 лица, нагласувајќи дека САД го поддржува рускиот народ во борбата против тероризмот.
Хејгл, исто така, додаде дека Пентагон е подготвен да ја зајакне соработката со руското Министерство за одбрана за спречување на терористичките закани.