„Самит 100“ на бизнис лидери во Порторож

Добивај вести на Viber

Околу 180 најистакнати бизнис лидери од југоисточна Европа се собрале во Порторож каде ќе разговараат за можни заеднички проекти. 

Смитот 100 на лидери во Порторож започна со билатерални состаноци на претседателите од земјите во регионот, кои во текот на денот ќе разговараат за унапредување на регионална соработка во сите области.

Овогодишниот домаќин на собирот, претседателот на Словенија Борут Пахор започна низа билатерални состаноци со шефицата на Хрватска Колинда Грабар Китаровиќ.

Исто така се состана и со претседателот на Црна Гора Филип Вујановиќ, и ќе разговара и со нашиот претседател Ѓорѓе Иванов.

Пахор се состана и со претсeдавачкото Претседништво на БиХ Младен Иваниќ.

Црногорскиот претседател Филип Вујановиќ оценил дека сите држави, кога се економски силни и развиени, воедно и стабилни, поради што е важна соработката на земјите во регионот, истакнал дека собирот во Порторож е исклучитело важен , бидејќи е посветен на соработката на бизнис и политичките лидери, со што има своја посебна вредност и значење.

Претседавајќи со Претседништво на БиХ Младен Иваниќ исто така го истакнува значењето на самитот. Вели дека регионалната соработка може да допринесе за забрзување на развојот а со тоа и стабилноста на регионот. Тој во изјава за Танјуг рекол дека пресудно за решение на политичките проблеми на тие земји е да има економски развој.

Претседателите од земјите од регионот денес ќе разговараат на Смитот 100 за бизнис лидери од југоистична Европа со најистакнатите претприемачи и бизнисмени за можностите за подобри регионални соработки , како важен фактор за стабилност на регионот, но и подигнување на конкурентноста на економијата во регионот.

Претседателот Иванов ќе има обраќање на панелот на лидерите на тема „Нов договор за нова ера“, а ќе учествува и на состанокот на лидерите од Брдо Бриони Процесот со членовите на Бордот на директори на „Самит 100“.

Се очекува дека овогодишниот Смит 100 , ќе собере , како и претходните години, околу 180 најистакнати бизнис лидери од југоисточна Европа, кои ќе разговараат за можните заеднички проекти во областа на енергетиката, финансии, туризам, сообраќај и инфраструктура, земјоделство и информационо-комуникациони технологии.

На Смитот 100 ќе учествуваат бројни министри од регионот.

На регионалниот собир во Порторож ќе учествуваат и претставници од Европската унија и меѓународните финансиски институции.

Првиот Самит 100 е организиран во 2011 година во Србија, вториот во Црна Гора, третиот во Хрватска, а сите досега одржани собири за покровители имале претседатели на земјите домаќини.

Смитот 100 на бизнис лидерите е иницијатива која во 2011 година ја покренаа Српската асоцијација на менаџери, Хрватската задруга на работодавачи и Здружението манагерјев Словенија, а набрзо на поддршката се приклучила и Атлас Фондацијата од Црна Гора.