Самит на Европскиот совет посветен на еврото

Добивај вести на Viber

Денеска во Брисел започнува дводневен Самит на Европскиот совет кој првпат годинава ќе биде посветен на заедничката валута на 17. од 27-те земји-членки на Европската унија што го користат еврото.

Претседателот на ЕС, Херман ван Ромпуј, во своето писмо-покана до лидерите на земјите што се дел од Унијата, порача во пресрет на размената на ставовите за Европскиот семестар, дека сега е крајно време за одржување на првиот евро-самит во 2013 година.

- Нашиот официјален состанок ќе започне по вечерата, односно околу 22:00 часот, а со цел да превземеме акција околу економската ситуација во Еврозоната, а врз основа на презентацијата на претседателот на Европската централна банка, Марио Драги, порача Ван Ромпуј во поканата за денешниот Самит на Советот.

Овој евро-самит доаѓа во вистински момент по најавата за нова криза во Еврозоната која овојпат се најавува дека ќе биде предизвикана поради економскиот крах на Кипар, па затоа вечерва размена на информации и презентација на состојбата на земјите што го користат еврото во ЕУ, на Самитот ќе изврши и новиот претседател на Еврогрупата, Џероен Дијселблом.

А, како што е пракса пред секој Самит на Европскиот совет, попладнево во Брисел ќе се одржи Самит и на Европските народни партии, каде придружен член е и македонската владејачка партија.