САНКЦИИ: Србија не се приклучува кон ЕУ, што прави Македонија?
Објавено во: Балкан 23 Август, 2014
Србија не се приклучува кон ЕУ, што прави Македонија?
Српскиот премиер Александар Вучиќ изјави дека Србија нема да воведе санкции против Русија и нема да го намали извозот на храна и покрај притисокот од ЕУ. Со ова Србија и рече НЕ на Унијата на барањето за санкции, но тој истакна дека ќе прифати дел од барањата. Тоа значи да не се дотираат дополнително извозните производи. Сепак, Вучиќ најави дека Владата нема да ги спречува српските компании да склучуваат зделки. Портпаролот на еврокомесарот за проширување Штефан Филе, Петер Стано, вчера за Радио Слободна Европа изјави дека очекува од партнерите, што значи од земјите кандидатки да се солидаризираат со Европската Унија. "Мислам дека ова е многу јасна ситуација во која од партнерите се очекува да бидат солидарни со ЕУ и да работат заедно да се задржи единството на меѓународната заедница и да се поддржи меѓународното право, кое е прекршено од страна на Русија", изјави Стано за Радио Слободна Европа. Засега од Македонија нема најава што ќе прави во однос на барањата на ЕУ.