Сараќини: Катарците заинтересирани за инвестирање во енергетиката, земјоделството и туризмот
Објавено во: Економија 29 Јануари, 2013 14:07
Делегација од Катар во март доаѓа во Република Македонија при што се очекува формално да се конкретизираат одредени проекти. Ова беше договорено на денешната средба на претседателот Ѓорге Иванов и министерот за економија Ваљон Сарачини со генерaлниот директор на „Групацијата Катара“ која се занимава со хотелиерство.
-„Групацијата Катара“ има повеќе од 55 хотели само во Катар и 20 во други држави. Договорено е висока катарска делегација да ја посети Република Македонија во првата недела во март, при што ќе се конкретизираат идните проекти кои планираат да ги реализираат во нашата држава, изјави денеска во Доха министерот Сарачини.
Во рамки на продлабочување на економската соработка меѓу Република Македонија и Државата Катар, која, како што рече Сарачини, добива и правна рамка со потпишување повеќе договори во областа на економијата и при денешната посета на претседателот Ѓорге Иванов во повеќе институции и невладини организации, разговарано е за конкретни проекти.
- На состанокот со претставници на „Катар фондацијата“ беше договорено нашите универзитети да ги почнат интензивите разговори за партнерство со оваа фондација, истакна министерот Сарачини.
На средбата со генералниот директор на „Катар Ервејс“, е потенцирано дека до крајот на годинава планираат да отворат и директна чартер линија помеѓу Доха и Скопје.
- Од нивна страна беше посочено дека планираат да ни понудат Доха да биде транзит центар на сите граѓани на Република Македонија кои патуваат во далечниот исток, изјави Сарачини.
Министерот за економија посочи дека на средбата која претседателот Иванов и македонската делегација ја имаше со премиерот на Катар беше даден јасен сигнал од негова страна до сите министри во катарската Влада дека до крајот на оваа година во Македонија треба да се реализираат конкретни проекти во делот на енергетиката, земјоделството и туризмот.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
