Добивај вести на Viber
Штрајк на вработенитет во сараевската сообраќајна фирма “ГРАС“ денеска предизвикал сообраќајна блокада во босанската престолнина.
На улиците во Сараево, според наводите на агенцијата “ФЕНА“, имало само неколку автобуси на комерцијални превозници, а повеќе од 500 вработени во сообраќајното претпријатие од вчера попладне биле во кругот на фирмата, кога започнал штрајкот.
Тие порачувале дека, нема да се откажат од запирање на работата, ниту да го напуштат кругот на претпријатието се’ додека не бидат исполнети нивните барања- да се поништи одлуката на Владата на кантоната Сараево околу враќање на Хасан Башиќ на чело на сообраќајното претпријатие.
Штрајкувачите тврдат дека човекот кој во својот претходен мандат, од мај 2009 до крајот на 2010 година, “направил 27 милиони конвертибилни марки долг и уште илјада болни во формата кои се шиканирани и психички уништени“.