Сараќини уверува, македонските камионџии нема да плаќаат за влез во Косово

Добивај вести на Viber

Македонскиот министер за економија Ваљон Сараќини најави дека и во иднина за влез на македонските камиони во Косово, нема да се плаќа таксата од 100 евра која со времениот договор кој важи до 27-ми јуни е одложена. Министерот уверува дека до среда ќе биде постигнат и конечен договор за укинување на таксата која Косово минатат седмица за сите камиони од регионот, со исклучок на тие од Албанија. „Главниот проблем е во Договорот за регулирање на патниот сообраќај, поточно членот 6 со кој се регулира делот на транспорт во трети земји. Има постојана комуникација меѓу двајцата министри за транспрот и врски. Очекувам тие до среда да го регулираат ова прашање и нашите превозници во Косово да нема да имаат потреба да плаќаат такса од 100 евра со што ќе се задржат добрите економски односи меѓу двети земји“, изјави Сараќини кој додаде дека сега најбитно е да се дојде до решение. За вицепремиерот на косовската Влада и министер за трговија и индустрија Мимоза Кусари-Лила, одредбата за воведување такса на камионите кои влегуваат на нивна територија е донесена за заштита на косовските интереси. „Од пред две години од косовска страна иницирано е потпишување на договор за соработка во областа на транспортот меѓу двете земји. Не знаеме зошто има двоумење и се уште не се потпишува од македонска страна. Се надеваме дека ќе се надминат проблемите со оваа такса со договорот кој треба да се потпише до среда“, изјави вицепремиерот на Косово. Косовската влада новата такса ја воведе за камионите кои превезуваат стока од Србија, Македонија и Црна Гора и Косово, а како мерка на раципроцитет поради истите такси кои овие земји ги имаат за превозниците од Косово. Како што веќе објави Фактор, денеска Македонија и Косово потпишаа и договор за соработка на земјите во областа на туризмот.