Саудиска Арабија ја намалува цената на нафтата за Европа, ја крева за САД
Објавено во: Економија 06 Јуни, 2016
Државната нафтена компанија на Саудиска Арабија „Сауди Арамко“ (Saudi Aramco) ја намалува цената на нафтата за Европа, но ја крева за САД, пишува „The Wall Street Journal“ повикувајќи се на соопштение на компанијата.
Цените ќе бидат намалени за 35 центи на барел за северозападниот регион на Европа и со 10 центи за медитеранскиот. Со 10 центи се покачува цената на барел за САД. Станува збор за испораките за месец јули.
Според изданието намалувањето на цената е поврзано со обновувањето на испораките на нафта за Европа од Иран. Во моментов, обемот на извозот на нафта од Саудиска Арабија е 800 илјади барели дневно, од Иран - 400 илјади, но земјата планира да го зголеми до 700 илјади во следните месеци.
На 2 јуни во Виена се одржа уште еден состанок на министрите за нафта и енергетика на земјите извознички на нафта. Таму беше разгледано прашањето за „замрзнување“ на производството на суровината. Учесниците не дојдо до единствено решение. Следниот самит на ОПЕК е планиран за 30 ноември во Виена.