21 Мај, 2018
0.3879
    ALK 8098.79    0.29%     BESK 7738.39    -2.05%     GRNT 743.11    -1.78%     KMB 4373.93    0.64%     MKSD 204    9.68%     MPT 30016.78    0.05%     MTUR 4100    -0.41%     OHB 6498.44    0.11%     PPIV 44500    0%     RMDEN16 95.5    0.42%     RZLE 14    0%     RZLV 44    0%     RZUS 124.82    -0.94%     STB 1022.5    -0.26%     STBP 1102.85    0.07%     STIL 132.97    3.31%     TEL 270    -1.46%     TNB 13718    3%     TPLF 1573.88    -1.18%     TTK 860    -1.23%     UNI 2420.09    2.55%     ZILU 238    8.18%

СДСМ ја укина наградата за денот на „ВМРО“

Објавено во: Анализа 04 Октомври, 2017

Новата Влада нема повеќе да ја доделува наградата 23 октомври или популарно наречен Денот на ВМРО. Новиот државен празник беше воведен од претходното владино раковдство предводено од ВМРО-ДПМНЕ со цел да се одбележи формирањето на Македонската револуционерна организација, како и вековната борба на македонскиот народ за своја држава, посебност, јазик и култура, но наместо да создадат ден за обединување добија критики дека воспоставиле партиски празник.

- Министерството за култура на седницата на владата достави информација на усвојување со која предложи оваа година да не биде доделена наградата „23 октомври“. Владата го усвои предлогот врз основа на информацијата дека на комисијата за доделување на оваа награда мандатот ѝ завршил во февруари оваа година и дека претходната влада не покренала постапка за формирање нова. Заради оваа ситуација биле пробиени и сите други рокови за пријавување на кандидати за оваа награда, соопштуваат од Владата по одржувањето на вчерашната седница.

Ваквото објаснување можеби служи како совршен изговор на СДСМ повеќе да не доделува државни награди на луѓе од различни области како во минатите години, но и не направи ништо за да не дојде до откажување на наградата 23 октомври. 

Постапката можеби е оправдана и законска но, не води кон помирување меѓу двата најголеми политички субјекти, покажува знак на реваншизам и терање инает. Денот на ВМРО треба да ги обедини сите македонски граѓани бидејќи таа борба не смее да и се препише само на една партија која се обидуваше да создаде монопол како од името на организацијата, така и на нејзините идеали. 

Дури и ако изминатите години наградата 23 октомври одеше во раце на личности блиски до партијата ВМРО-ДПМНЕ тоа можеше да биде сменето годинава со избор на нови заслужни граѓани.

Од друга страна пак, СДСМ испушти шанса да покаже дека е над меѓупартиските проблеми и да покаже државнички манири.