СДСМ прашува каде е пругата во Битола, МТВ вели каде ви се кредитите

Добивај вести на Viber

СДСМ и Министерството за транспорт и врски денес одиграа пинг-понг партија со соопштенија и контра обвинувања за состојбата на железничката инфраструктура. 

СДСМ прашува каде пругата кон Грција која се гради долго време од Битола, а се уште не е довршена, па и работниците кои се дел од поизведувачките фирми штрајкуваат бидејќи не им се префлени пари.

„Проектот за пругата Битола – Кременица во должина од 17 километри чини 20 милиони евра, а средства се обезбедени од ЕУ фондовите. Иако проектот требаше да биде готов до јули 2016 година, тој денес е со реализација од само 30 проценти. На трети септември работите се целосно прекинати поради штрајк на подизведувачите на кои не им се исплатени средтсва во висина од еден милион евра. Оваа пруга е исклучително важна  за Пелагонискиот регион, но и да биде алтернативен излез на југ од државата, бидејќи излезот од Гевгелија е често блокиран, а Македонија трпи огромни финансиски загуби. Неодговорно е токму министерството за транспорт и врски да се прави ненадлежно за реализацијата на овој проект. Кој ќе ги сноси последиците за ненавременото пуштање на оваа пруга и за финансиските загуби на државата и на бизнис секторот“, праша Благој Бочварски од СДСМ на денешниот прес.

Од министерството за транспорт и врски возвратија со прашањето каде се кредитите кои СДСМ ги добиле додека биле на власт, а не инвестирале ништо во железницата. 

„Очигледно е дека за СДСМ партиските интереси се ставени пред интересите на граѓаните на Република Македонија и државата и тоа се докажа во многу ситуации. Бидејќи од СДСМ јавно прашуваат, јавно ќе им одговориме дека сите обврски кон фирмата избрана за изградба на пругата кон Грција се навремено подмирени“ сооштија од МТВ.