СДСМ: Започна дистрибуцијата на „Младинска картичка“
Објавено во: Македонија 05 Јули, 2019
Социјалдемократскиот сојуз на Македонија објави дека од денеска е започната дистрибуцијата на „Младинска картичка“, предизборен владин проект.
На почетокот од реализацијата доставени се првите стотина картички до млади на возраст од 15 до 29 години, а ќе важи на територијата на цела држава со попусти и други поволности кај 300 субјекти како угостителски објекти, театри, кино сали, центри за едукација и развој, спортски центри.
„Проектот “Младинска картичка” обезбедува поволности и придобивки во секојдневниот живот на младите. Со овој проект ќе се намалат трошоците, но и позитивно ќе се влијае и на личниот развој, едукацијата и социјалниот живот на младите.Активните младински политики се клуч за задржување на младите дома. Како одговорна партија, остануваме посветени на обезбедување подобри услови за младите, повисок студентски стандард, помали трошоци и еднаква шанса за сите млади. Младите и квалитетните младински политики се приоритет за Владата предводена од СДСМ“, гласи во соопштението на владеачката партија.