Се намалуваат кражбите на старо железо, течат роковите за дозволи кај откупувачите

Добивај вести на Viber

Има добар ефекти од измените на Законот за управување со отпад усвоени пред шест месеци. Според  министерот за животна средина и просторно планирање Абдилаќим Адеми, кражбите на предмети од железо, бакар и извоз на отпадоци и остатоци на производи од железо и други метали се намалени. Тој информираше и дека има интерес за примена на новиот правилник од сопствениците на отпади, а рокот за за усогласување истекува.

„Со новиот правилник дадени се 18 дозволи за трговија и 63 за вршење дејност, односно се прилагодени отпади со новите правила. Секојдневно имаме барања за усогласување со новите правила и за месец-два сите складови ќе достават барања за усогласување, а ние ќе вршиме надзори да ги потсетиме дека времето тече и оти треба да се усогласат“, рече Адеми.

Според измените на Законот за управување со отпад, кои беа донесени минатата година, депониите мора да бидат надвор од населено место, да бидат оградени, да имаат над 1.000 метри квадратни, дел од површината да им биде покриена.

Од друга страна па индивидуалните собирачи кои на годишно ниво можат да продаваат метали или отпад до 30.000 денари, доколку ја надминат сумата ќе треба да се регистрираат како трговци поединци или како правни лица, а инспекторите може да влезат во приватни дворови, да направат контрола и да ја конфискуваат стоката која сметаат дека е нелегална.

Од Асоцијација за секундарни суровини и рециклатори при Стопанската комора на посочија дека ќе понудат предлог за воведување персонален данок при откупот на секундарни суровини од физички лица и укинување на ДДВ-то.