Добивај вести на Viber
Грчката градежна компанија „Актор“ која работи на изведбата на автопатската делница Демир Капија - Смоквица тврди дека нема ништо незаконско во исплатите од нејзината сметка.
Една недела откако опозицијата за првпат обвини за скандал во финансиското работење на „Актор“, компанијата испрати соопштение во кое ги демантира наводите на СДСМ.
„Секоја трансакција, вклучувајќи ги платите и надоместоците на вработените луѓе од Грција се покриени со договори и фактури, сите даноци се пресметани и платени и конечно сите плаќања се извршени преку банкарскиот систем согласно Законот. Од почетокот на проектот "Изградба на новата автопатска делница Демир Капија -‐ Смоквица, како дел од Пан-‐Европскиот Коридор Х" сите активности и со нив поврзани финансиски трансакции се реализирани во согласност со меѓународните и локалните закони и регулативи“, стои во соопштението на „Актор“.
Од таму додаваат дека сите објави во јавноста во врска со проектот, компанијата и нејзините луѓе се неосновани и неоправдани.
Јавното обвинителство вчера објави дека на барање на Управата за финансиско разузнавање замрзнало сметки на две фирми поврзани со овој случај и дека отворило преткривична постапка.