СЕ ОГЛАСИ КАНАЛ 5: Првиот тест беше негативен, симптомите на Михајловски се појавија после интервјуата со лидерите

Објавено во: Македонија 10 Април, 2020 12:35
Во врска со објавата на министерот Филипче дека еден новинар е позитивен на КОВИД-19, телевизијата Канал 5 чиј новинар е Гоце Михајловски, се јави со објаснување во јавноста.
Канал 5 известува дека првите симпотоми кај новинарот се јавиле на 5 април, после направените интервјуа со лидерите.
Свесни сме за тежината на актуелната ситуација, поврзана со светската пандемија на Корона вирусот, која зема замав и за жал, исклучок не беше и еден наш колега, Гоце Михајлоски.
Како професионална и одговорна компанија, која сигурно ќе го надмине и овој сериозен предизвик, потенцираме дека и ние самите сме изненадени од ваквиот развој на настаните, поради фактот што првиот тест кој го изврши колегата Михајлоски беше негативен.
Сакаме да ја информираме јавноста за следново:
Викендот на 28 и 29 Март оваа година, колегата Михајлоски бил во посета на своите родители во Прилеп, од каде во понеделникот, на 30 ти март, продолжува со работа во дневно-информативната редакција, без никакви елементарни сомнежи ниту симптоми.
Потенцираме дека подолг период веќе имаме воспоставено високи стандарди на заштита и контрола на нашите вработени, во смисол: задолжително мерење на телесна температура при влез во компанијата, обезбедивме дезинфекциони пунктови на 5 локации, на секој кат, дополнително и во информативната редакција, задолжително работниот процес се извршува со помош на заштитни маски, а за делот на техниката и новинарите се обезбедени и пластични визири , за дополнитена заштита
Во четвртокот и петокот, во емисијата САМО ИНТЕРВЈУ, гости му беа Зоран Заев и Христијан Мицкоски, последователно, при што беа запазени сите протоколи.
Првите симптоми кај колегата Михајлоски се појавиле во ден недела, 5 Април, кои биле во форма на малаксаност, замор и главоболка, по што веднаш околу 17.00 часот го напуштил работното место.
Од понеделник, 6 Април, на барање на компанијата, колегата е во самоизолација а во меѓувреме тој забележува температура повисока од 38 степени, и бара од својот матичен лекар да добие упат за тестирање, но поради електронската анкета, нема доволни симптоми за да биде упатен на тестирање.
На 7 Април, во утринските часови, поради зголемената температура прави тест преку крв во една приватна болница, кој покажува дека е НЕГАТИВЕН на корона вирусот.
Во четврток, 09.04.2020 колегата Михајловски заминува во Воена болница , каде е примен, а утринава не информираше дека сепак е позитивен на Ковид-19.
Во насока на следење на препораките за заштита при работа од корона вирусот, последниве неколку недели Канал 5 донесе одлука да сите вработени кои можат да го изведуваат работниот процес од дома, тоа и да го прават.
Нашата компанија во соработка со Министерството за Здравство ќе ги превземе сите чекори за брзо надминување на оваа несреќна здравствена состојба и благовремено ќе ја известува јавноста за сите новонастани моменти.
„На нашиот колега Гоце Михајлоски му посакуваме да се опорави што е можно побрзо
Ниту тој сакал да биде заразен со Ковид-19, а уште помалку тој да биде трансмитерот и евентуално да зарази трети лица“, пишуваат од Канал 5.
Можеби ќе ве интересира
„И ВО ОВИЕ БОЛНИ МИГОВИ, НЕКОЈ УСПЕА ДА ГО ПОДЕЛИ НАРОДОТ“: без марш, само собир и почит кон настраданите - организаторите бараат правда за сите

„ТРЕБА ДА ИМ ЗАБРНАТ И ПЕШКИ ДА ОДАТ, А НЕ КОЛА ДА ВОЗАТ“ - остри критики по апсењето на возачи во високо ниво на алкохол во крвта

СНЕГОТ ГИ ЗАВЕА ПЛАНИНСКИТЕ ПРЕМИНИ: воведена забрана за тешки товарни возила на неколку патишта
„ВНИМАНИЕ! НОВА ЕДНОНАСОЧНА УЛИЦА!“: граѓани споделуваат важни информации за сите возачи за промени во центарот на Скопје

СПАСЕН ЗАЛУТАН ПЛАНИНАР НА ПЛАНИНАТА КОЖУФ - ноќта ја поминал на отворено, но поради влошените услови загубил ориентација

МВР ТРАГА ПО СИНОТ НА ПОРАНЕШНИОТ ГРАДОНАЧАЛНИК НА ДОЛНЕНИ - објавената снимка од пукањето предизвика голем револт меѓу граѓаните

„ЌЕ СЕ ТРУДИМЕ ДО КРАЈ ДА НАЈДЕМЕ РЕШЕНИЕ“: Таравари пред почетокот на Собранието на Алијанса на Албанците за коалицијата Вреди

„ПОДГОТВУВАМЕ КРИВИЧНА ПРИЈАВА ПРОТИВ ПРЕМИЕРОТ“: Левица најавува нова тужба за попречување на правдата

ИЗГРАДЕНИ 650 МЕТРИ ОД БУЛЕВАРОТ „ВИДОЕ СМИЛЕСКИ-БАТО“ ВО ТЕТОВО - остануваат уште 1.783 метри да се комплетира
