Се огласи Шојгу по влезот на Финска во НАТО - какви мерки ќе преземе Русија?

Добивај вести на Viber

Финска денеска стана 31-ва членка на НАТО, а на руските власти тоа воопшто не им се допаѓа. 

„Пристапувањето на Финска во НАТО создава ризик од значително проширување на конфликтот“, изјави рускиот министер за одбрана, Сергеј Шојгу.

Како што јави „Ројтерс“, тој на состанокот на раководството на руските вооружени сили рекол дека НАТО го зајакнува својот антируски курс.

„Шојгу рече и дека белоруските авиони сега се способни да носат руски нуклеарни проектили“, пренесува РТС.

Кремљ денеска најави дека ќе преземе контрамерки откако Финска ќе влезе во НАТО, со оценка дека проширувањето на западната алијанса претставува безбедносна закана за Русија. Финска е официјално членка на НАТО, откако финскиот министер за надворешни работи Пека Хаависто денеска во Брисел го депонираше инструментот за пристапување до САД.

И Шведска минатиот мај побара прием во НАТО, но Турција ја блокира.

Воениот и безбедносен аналитичар Мајкл Кларк изјави дека рускиот претседател Владимир Путин само се преправа дека не се грижи за вестите за влез на Финска во НАТО, а всушност „многу се грижи“. Објаснува дека ова ќе биде главоболка и за секој иден руски лидер.