Се отвора „Палма мол“ – еден од најголемите трговски центри во Македонија!

Добивај вести на Viber

На површина од 32 илјади метри квадратни, на четири нивоа и со подземен паркинг од 250 места , во септември ќе биде отворен третиот најголем шопинг центар во земјата „Палма мол“.

Трговскиот центар кој е сместен на 1 километар од градот Тетово, а на триесетина километри од Скопје, почна да се гради во 2011 и беше поврзан со веќе постоечкиот објект. Како инвеститор се јавува   „Палма Трејд“, компанијата која на пазарот постои повеќе од 20 години и работи на дистрибуција на производи за широка потрошувачка и бела техника.

Како што денеска беше објавено, свои производи во „Палма трејд“ ќе имаат Њујоркер, Коинкаса, ЛТБ Џинс, Спорт Вижн, ДМ дрогерии, Лакосте,Наутика, Мотиви, парфимериите Шатци, Своч, Лост, Васидора, а во склоп на трговскиот ќе има и кафетерии, ресторани, содржини за деца и возрасни, но и Рамстор супермаркет.

„Многу сме среќни што успеавме да го комплетираме процесот на градежните активности на Палма Мол и со тоа да ја оправдаме довербата што нашите закупци ни ја дадоа. Со сите овие брендови Палма Мол претставува  трговски центар од светски стандарди каде што сите посетители ќе имаат можат да ги извршуваат своите секојдневни потреби и да уживаат во најразличните забавни содржини“, изјави сопственикот на „Палма Трејд“, Неат Џеладини.

Паркингот ќе биде бесплатен, а во „Палма мол“ ќе се вработат 400 лица од Тетово и околината.