СЕ ПИЈАНЧЕЛ И СЕ ФАЛЕЛ КАКО ИМ ПОМОГНАЛ НА УКРАИНЦИТЕ: Рускиот пилот дезертер самиот се издал каде се наоѓа по што е убиен

Добивај вести на Viber

Рускиот пилот кој го предаде хеликоптерот на Украина и замина во Шпанија самиот се издал каде се наоѓа. Дезертерот Maксим Кузминов се пијанчел во Шпанија, по што е пронајден и убиен. 

Рускиот дезертер Кузминов, пилот кој пред околу шест месеци киднапираше хеликоптер на руските вооружени сили во 2023 година е убиен во шпанската провинција Аликанте.

„Билд“ објави дека Кузминов за својот чин и предавањето на воен хеликоптер Ми-8 со полна борбена опрема од Украинците добил 460.000 евра.

Како што потврдиле од украинските разузнавачки служби, Кузминов избегал со парите. Наводно, тој продолжил да одржува контакти со пријателите и семејството, а со неговото однесување често го привлекувал вниманието кон себе. Наводно често пијан се фалел како им помогнал на Украинците. Но, Русите му влегле во трага дури кога ја повикал поранешната девојка. Набрзо го пронашле, го застрелале со 12 истрели и го прегазиле со автомобил. Телото на Кузминов е пронајдено минатиот вторник во гаража изрешетана со куршуми.  Руската инвазија на Украина почна пред скоро две години.