СЕ ПЛАШАТ ЗА СВОЈОТ ОПСТАНОК: Mногу италијански хотели остануваат под клуч

Добивај вести на Viber

Пандемијата на коронавирусот ја доведе во прашање иднината на многу италијански хотели. 

Се затвораат за цела сезона повеќе од 20 отсто од хотелите во Италија. 

Хотелите во Фиренца се плашат за својот опстанок. 

Над една четвртина хотели во земјата ќе останат затворени месецов, иако државата ја укина блокадата по околу три месеци рестриктивни мерки воведени поради новиот коронавирус, објави италијанското здружение на хотелиери.

Раководителите на околу 30 проценти од хотелите решија нивните објекти да останат овој месец затворени, а планирано е околу 80 отсто од вкупниот број хотели во земјата да бидат отворени во август.

Италија долго време беше во карантин поради Ковид -19, и таа е една од најпогодените европски земји. 

Соопштено е дека повеќе од половина од луѓето тестирани во италијанската северна провинција Бергамо имаат антитела на Ковид-19. Ова се резултати од истражување. 

Имаше некои предвидувања дека откако кризата ќе заврши, Италија ќе биде поевтина за одмор. 

Италијанските власти, исто како и француските ги повикаа своите граѓани да летуваат во земјата. 

Од друга страна, властите во Италија неодамна покажаа револт затоа што нивните граѓани нема да можат да патуваат во соседна Грција.