24 Јуни, 2018
0.5442
    ALK 8331.04    0.37%     BESK 9899    1.01%     COMA 306    0%     GRNT 848.09    2.11%     KMB 5322.64    1.79%     MPT 43620.21    5.11%     MTUR 4790.91    1.94%     OHB 6376.92    -0.37%     OKTA 4747    9.98%     POPK 15    7.14%     RMDEN16 95.5    0%     RMDEN17 95.6    0.21%     RZLV 82.6    1.98%     RZUS 149.5    6.03%     STB 981.83    1.27%     STBP 896.62    0.28%     STIL 153.87    3.97%     TETE 2299.91    0.45%     TNB 13946.7    1.16%     TPLF 1113    -9.95%     TTK 1030.25    2.55%     UNI 2618.83    8.01%     ZILU 262.98    2.73%

Сo последни сили се гледа крајот на кампањата

Објавено во: Анализа 26 Октомври, 2017

Уште денес и утре политичарите ќе имаат можност пред граѓаните да им ги претстават своите ветувања за тоа како планираат да ја водат нивната општина, на што ќе се фокусираат во четиригодишниот мандат, но и секако шанса да го нападнат партискиот противник. 

ВМРО-ДПМНЕ се обидува да спаси колку толку од изборите и на своето конто да додаде уште некој градоначалник. Во игра се Штип и Кавадарци меѓу поголемите градови во Македонија, а во Скопје најголема шанса полагаат на општина Гази Баба со тоа што не се помалку ажурни ниту во Бутел и Кисела Вода. Кампањата на ВМРО-ДПМНЕ и натаму продолжува со засилени обвинувања за масовен притисок врз своите членови од страна на власта која им фали уште малку за да ја наречат „Режимот на Заев“ како што тоа претходната опозиција милуваше да го каже за Груевски. ВМРО-ДПМНЕ како опозиција продолжува и со редовните прес конференции со кои може да конкурира во Гинисовата книга на рекорди како партија со најголем број на обраќања кон медиумите на дневна основа. 

СДСМ пак, како да е на власт неколку години, покажува голема самодоверба и Заев води многу позитивна кампања, речиси ретко и да ги споменува противкандидатите давајќи им на граѓаните надеж за „враќање на живот“, работа на проекти кои нив им се важни и нормализирање на односите во општеството што треба да обезбеди напредол. Недостиг на кампањата на СДСМ во овој период е што очигледно е дека популарноста на Заев како премиер и лидер на партија е многу повисока од таа на кандидатите, но можеби токму тој апел кон граѓаните ќе има одново позитивен ефект во вториот круг од локалните избори. 

Груевски и Заев ја „изораа“ речиси цела држава, особено во вториот дел од кампањата каде многу поважни се помалите населени места кои најголемо внимание секогаш добиваат токму пред избори со традиционалните ветувања дека ќе им се асфалтира патот, ќе се догради канализацијата и ќе им се пушти квалитетен водовод. Гласовите во вториот круг поради различните комбинаторите се многу важни, па така секое место кое е посетено се надева дека токму овие избори ќе бидат клучни за решавање на вечните проблеми.

Кампањата за локалните избори вкупно досега трае веќе пеесетина дена со што видливо е и повторувањето на истите слогани, истите ветувања, истите формулации и флоскули што може да ги загрижи граѓаните дека не се препознаени нивните специфични потреби. Со финиширањето на вториот круг во недела конечно и општеството ќе може зад себе да го остави целиот политички процес на кампањи, партиски спротиставувања, скандали и обвинувања и полека да се фокусира кон стабилизација на државата, како и многу работа за решавање на сериозните проблеми за кои речиси и да нема простор во јавната дебата поради огромната контаминација со дневна политика.

Автор: Христијан Станоевиќ


Можеби ќе ве интересира

НЕВОЗМОЖНА МИСИЈА: Со просечна плата до нов автомобил?

НЕВОЗМОЖНА МИСИЈА: Со просечна плата до нов автомобил?

Колку пари ќе собере државата од повисокиот персоналец и зошто и требаат

Колку пари ќе собере државата од повисокиот персоналец и зошто и требаат

Колку пари ќе не чини првата 30 годишна државна обврзница?

Колку пари ќе не чини првата 30 годишна државна обврзница?

Што ги зголеми заштедите: Банките чуваат 5,6 милијарди евра

Што ги зголеми заштедите: Банките чуваат 5,6 милијарди евра

Потрошувачките и станбените кредити забрзано растат: Колку им должиме на банките

Потрошувачките и станбените кредити забрзано растат: Колку им должиме на банките

Ексклузивно: Владата ќе наплаќа данок на каматите на заштедите, а еве за колкави приходи ќе плаќаме повисок „персоналец“

Ексклузивно: Владата ќе наплаќа данок на каматите на заштедите, а еве за колкави приходи ќе плаќаме повисок „персоналец“

СЕ КРЧКА ЗАКОНОТ: Колкави треба да ви се приходите за да плаќате повисок данок?

СЕ КРЧКА ЗАКОНОТ: Колкави треба да ви се приходите за да плаќате повисок данок?

Како „Кам Маркет“ го изеде “Тинекс“?

Како „Кам Маркет“ го изеде “Тинекс“?

Како „газат“ големите ланци на супермаркети?

Како „газат“ големите ланци на супермаркети?