Се продава весникот „Financial Times“?

Добивај вести на Viber

Британската медиумска група „Pearson“  размислува продажба на весникот „Financial Times“, пишува „Bloomberg“ повикувајќи се на добро информирани извори. Компанијата сакала да се фокусираат на брзо растечкиот образовен сектор, јавува оваа агенција. Портпаролот на „Pearson“ ги негираше намерите за евентуална продажба, истакнувајќи притоа дека весникот е вреднен дел од „Pearson“. Сепак, „Bloomberg“ останува на ставот дека компанијата ќе прибира понуди за купување на весникот до крајот на годината. Ова го потврдува и со фактот што веќе е објавено дека во јануари од функцијата си заминува директорката Марџори Скардино.  За време на 16-те години на чело на „Pearson“   таа го бранеше „Financial Times“ како составен дел од групата. Весникот се проценува на најмалку 1 милијарда долари (780 милиони евра), а како потенцијалните купувачи се споменуваат богатите бизнисмени од Русија, Блискиот Исток и Азија.