Се распродале становите во Охрид: По 1.500 евра за квадрат во зградата на Усеини

Добивај вести на Viber

По 1.500 евра за метар квадратен плаќале граѓани за станови во Охрид оваа година. Според нашите информации за толку се продавале становите во зградата за која се зане дека е поврзана со Нефи Усеини, советникот во општина Охрид за кој јавноста доста знае, а е добро познат и во Охрид. Тој е сопственик на фирмата Нефи ИК.

Од Агенциите за недвижнини во овој град за Фактор велат дека годинава имало јагма за станови во градот. Со оглед на тоа што понудата е помала, а имало голема побарувачка цените отишле нагоре. Агенти за продажба велат дека становите се продавале за 1.300 - 1.400 евра за квадрат. Ова е навистина висока цена, каква не е регистрирана ниту во центарот на Скопје каде недвижнините се доста поскапи со години.

„Уште има станови за продажба, но оваа година навистина имаше доста голема побарувачка. Всушност можеби инересот е сличен како лани, но ние очекувавме многу помалку поради корона кризата, па сега сме изненадени од побарувачката. Точно е дека во некои нови згради цената на метар квадратен стасуваше и до 1.400 евра за квадрат, велат за Фактор од охридска агенција за недвижнини.

Според регистарот на цени и закупи на Агенцијата за катастар во вториот квартал изнесува 43.772 денари или 711 евра. Сепак ова е просечна цена. Таа е за 20 евра повисока годинава споредно со истиот период лани. Но, ова е значајно повисоко од периодот од пред две години или вториот квартал во 2018 година кога просечната цена на квадратот изнесувал 38.338 денари.

Според податоците во второто тромесечје во Охрид регистрирани се 144 трансакции со недвижнини, додека во првиот квартал биле направени 203 трансакции или вкупно 347. 

А.Т.