СЕ ЗАТВОРА ГРАДИНКА ВО ЗАГРЕБ: Заразено е дете кое одело во установата
Објавено во: Балкан 13 Март, 2020
Во Загреб заразено e дете од предшколска возраст oд коронавирус.
Градските власти денеска објавија дека со коронавирус е заразено дете кое одело во градинка, јавува порталот „Индекс“.
Градинката нема да работи во наредните 14 дена, а 119 дечиња ќе се стават во самоизолација. Оваа мерка ќе важи и за 16 вработени во градинката. Во тек е информирањето на родителите за ова и за мерките кои се должни да ги преземат.
Од понеделник и Хрватска ќе ги затвори градинките, училиштата и факултетите.
Мерката ќе биде на сила две недели.
На Балканот расте бројот на заразени, а има и неколку смртни случаи.До 14 часот во Словенија се потврдени 141 случај на инфекција со коронавирус.
Во Албанија досега се потврдени 23 случаи на заразени со коронавирус, од кои една жена од Драч почина, а во Косово засега официјално нема ниту еден носител на вирусот, иако беа тестирани над 80 луѓе.