Се зголемува бројот на претплатници, интернет преку мобилна мрежа имаат 1.348 663 корисници
Објавено во: Економија 25 Јануари, 2021
Агенцијата за електронски комуникации објави дека до сега се регистрирани 1 348 663 претплатници со пристап до интернет со широк и тесен опсег преку мобилните мрежи, заклучно со третиот квартал од минатата година.
Тоа е за 92 048 повеќе споредено со вториот квартал, односно за 46 000 во однос на третото тримесечје во 2019.
Во структурата на претплатници А1 Македонија учествува со 52,62 проценти, Македонски телеком со 44,72 проценти, Роби со 1,45 проценти , а Лајкамобајл со 1,22 проценти.
Инаку вкупниот број на кроисници на мобилната телефонија е 1 833 689, односно за 56 495 повеќе од вториот квартал. 719 455 се резиденцијани припејд, а 861 922 постпејд линии, а 252 312 се деловни постпејд линии.