СЕДУМ ТОНИ: Со падобрани Израел им подели вода на своите војници во Газа
Објавено во: Свет 11 Декември, 2023
Со падобрани Израел им подели вода на своите војници во Газа.
На ваков начин Израел им испрати седум тони вода на војниците во Газа. Израелските одбранбени сили (ИДФ) велат дека ова е прв ваков логистичко-воен зафат.
„На израелските војници во градот Кан Јунис со падобрани им испорачавме околу седум тони вода. Системот ’наведувано снабдување’ е напреден оперативен систем што овозможува испорака на опрема до копнените сили преку падобрани и со употреба на прецизна навигациска технологија“, напиша ИДФ на својот канал на мрежата Телеграм.
Додаваат дека ова е прва ваква оперативна употреба на системот по Втората либанска војна, а во испораката го користеле товарниот авион „Шимшон“.
Министерството за здравство во Појасот Газа денеска објави дека 18.205 луѓе се убиени во израелските бомбардирања на палестинската територија од почетокот на војната меѓу Израел и палестинскиот исламски Хамас на 7 октомври.
Американскиот весник „Вашингтон пост“ (ВП) објави податоци според кои во првите 45 дена од војната, Израел фрлил повеќе од 22.000 бомби.