Сега се купуваат станови во Грција, цените паѓаат!

Добивај вести на Viber

Грција го надмина Ирска кога во третото тримесечје од годинава стана државата со најголем пад на цените на станови, покажуваат податоците на консултантската компанија „Knight Frank“. За периодот јули-септември цените на куќите во Грција се паднати со 11,7% на годишно ниво и со 3,6% во однос на претходниот квартал. На првото место со најголем пад на цената на становите според последните неколку квартали беше Ирска, која  веќе е на втората позиција со годишно намалување на цените на куќите од 9,6%. Во однос на вториот квартал, сепак во земјата е регистриран раст на цените од 1,5 отсто. Третото место го зазема Шпанија, каде куќите поевтинија  за 9,3% на годишно ниво или за 2,4% во однос на претходниот квартал. Паѓаат цените на живеалиштат и во Романија, Холандија, Португалија, Кипар, Унгарија, Данска, Хрватска. Од консултантската компанија истакнуваат дека поради должничката криза во овој квартал има поскапувања кај сите држави од еврозоната. „Изгледа дека многу од главните пазари во моментов тонат. Еврозоната во моментов е во втора рецесија и довербата на купувачите е на рекордно ниско ниво“, се наведува во извештајот на компанијата. Истовремено, со оглед на стагнацијата на европски пазар, постојат се повеќе докази дека станбениот сектор во САД навистина е на пат на закрепнување. Цените на имотот во САД во третиот квартал забележале раст од 3,6% на годишно ниво, а градежниот сектор расте со речиси 50%, посочуваат експертите. Инаку Бразил е земја-лидер по раст на цените на куќите во третиот квартал, покажуваат последните податоци. На годишно ниво е забележано зголемување од 15,2%. Растат цените на становите и во Хонгконг и Турција кои се веднаш зад него. Првата десетка се дополнува со Русија, Колумбија, Австрија, Кина, Малезија, Норвешка и Исланд.