Секое семејство во Македонија на банките им должи по 2800 евра!

Добивај вести на Viber

Расте задолженоста на граѓаните по основ на потрошувачки кредити и кредитни картички. Заклучно со октомври кредитната изложеност по основ на потрошувачките, најатрактивни кредити надмина половина милијарда евра. Најновите податоци на Народната Банка покажуваат дека вкупната вредност на кредити изнесува 3,5 милијарди евра. Во однос на септември е забележано намалување на салдото на кредитите во странска валута додека кај денарските е регистриран пораст. Домаќинствата на банките должат 1,4 милијарди евра. Тренд на континуирано задолжување е регистриран кај локалната самоуправа. Салдото на кредитната задолженост достигнува 400 милиони денари или повеќе од 6 милиони евра.

Најголемиот долг на граѓаните кон банките е по основ на потрошувачки кредити.

Долг на физичките лица по основ на кредити

Потрошувачки кредити      518 милиони евра

Станбени кредити                    314 милиони евра

Кредитни картички                 198 милиони евра

Автомобилски кредити         33 милиони евра

Освен за ова, како задолженост на граѓаните се сметаат и негативните слада на тековните сметки и спорните и сомнителни  побарувања.

НБМ регистрираше и пораст на депозитната база. Заклучно со октомври вкупните депозити кај банките изнесуваат близу 3,9 милијарди евра и во однос на септември е региистриран пораст од 34 милиони евра, при што раст има и кај депозитите во денари и депозитите во странска валута.Од вкупната депозитна база речси 2,8 милијарди евра се штедни влогови на граѓаните, додека 900 милиони евра се депозити на приватниот сектор. Д.А.