Секој трет млад европеец го напуштил училиштето и нема работа

Добивај вести на Viber

Според податоците од анализата, на Евростат, приближно 70% од младите во земјите од Европската унија, на возраст од 15 до 30 години кои го напуштиле образованието имале значајни тешкотии при наоѓањето на првата работа, а околу 30% воопшто не успеале да најдат работа. Ова е така затоа тро речиси секој трет млад човек, кој го напуштил образованието и побарал работа, имал низок потенцијал за влегување на пазарот на трудот, покажа анализата на Евростат. Во 2009 година во земјите-членки на ЕУ живееле околу 96 милиони млади луѓе, на возраст од 15 до 30 години. Во повеќето земји на ЕУ задолжителното образование завршува на возраст меѓу 14 и 17 години и од оваа возраст натаму младите луѓе избираат дали ќе продолжат со своето високо образование или да станат економски активни, пренесува БТА. Просечната возраст за напуштање на формалното образование и почнување со работа од младите луѓе во ЕУ е 21 година, покажа анализата на Евростат, посветена на преминот од образование кон првата значајна работа. Најрано на пазарот на трудот излегуваат младите во Малта и Турција (исто така земја што е вклучена во истражувањето) или просечно на околу 18-годишна возраст. Највисоки вредности на вработеност кај младите на возраст од 15 до 30 години се регистрирани во Холандија и Норвешка- 88%, Швајцарија – 87%, Австрија – 84%, Луксембург – 82%, Кипар и Данска – 81%, Германија и Словенија – 80%. Најниски податоци за вработување на младите луѓе се регистрирани во Литванија, Латвија и Унгарија - под 30%. Бугарија, заедно со Романија, е во „златната средина“ на оваа своевидна класификација на вработеноста на младите - малку над 30%.