СЕКОЈА ГОДИНА ЌЕ ИМАМЕ НЕКОЈ НОВ СОЈ И НЕКОЈА НОВА ВАКЦИНА - д-р Радојевиќ од Црна Гора бара да се укинат сите заштитни мерки
Објавено во: Македонија 08 Февруари, 2022
Др Немања Радојевиќ од Клиничкиот центар во Подгорица, лекар кој специјализирал Судска медицина и јавно здравје на универзитетот Харвард, деновиве го привлече вниманието на пошироката јавност во регионот со напис на социјалните мрежи во кој повика да се укинат сите мерки за зашитата од ковид 19, споделувајќи статистика според која Омикронот не дава толку тешка слика и дека нема потреба од рестрикции.
Радојевиќ, во интервју за Утринската програма за ТВ Телма, рече дека смета дека Омикронот ќе доведе до стекнување на колективен имунитет, по пат не меѓусебно пренесување на вирусот.
„Доста работи и натаму се непознати и не можеме сосема јасно да предвидиме што ќе се случува во иднина, но некое мое мислење е дека Омикронот ќе доведе до стекнување на колективен имунитет, по пат не меѓусебно пренесување на вирусот. Веројатно ќе имаме нови соеви на сезонско ниво, како што е кај грипот, кај инфлуенцата. Значи секоја година ќе имаме некој нов сој и ќе имаме секој пат нова вакцина. Кој ќе сака, како против грипот да се вакцинира за да го намали ризикот од заболување ќе биде добро, кој нема да сака тоа нема да го прави. Во суштина се плашам дека короната ќе премине во сезонска болест, тоа значи дека епидемија односно пандемија како што е сега нема да биде препозната на тој начин, но не мислам дека ќе се ослободиме од короната за да ја снема целосно. Но таа ситуација не мора да изгледа песимистично, бидејќи ние и ден денес живееме со грипот и пред короната живеевме со грипот. Во Црна Гора, според статистиката, секоја година умираат околу 30 луѓе од грип, она што е докажано, но верувам дека таа бројка е многу поголема особено кај постарата и хронично болна популација и вие едноставно не сте ни правеле тестирање. Нивното здравје е кревко, на нишалка, при што многу лесно една респираторна инфекција може да предизвика компликација и смрт. Така што мислам дека слична ситуација ќе биде и со короната, ќе има вакцина и ќе биде оставена на слободна волја, кој сака да се вакцинира а кој не сака“, изјави Радојевиќ.