СЕЛА ЗА ЗАКОНОТ ЗА ЈАЗИЦИ: Нема смисла однесувањето на ВМРО-ДПМНЕ
Објавено во: Македонија 29 Јануари, 2018
Претседателот на Алијансата на Албанцитe, Зијадин Села вели дека нема смисла однесувањето на ВМРО-ДПМНЕ, чии пратеници дојдоа во Собранието за да се спротивстават на една третина од интересите на граѓаните.
„Блокирањето на Законот за јазици е заради казнување од целата јавност. Нека ги тргнат рацете од ваков однос кој има само цел да собере политички поени“ – изјави Села.
Тој додаде дека за него не е прифатлива формулацијата „употреба на јазикот кој го зборуваат 20% од граѓаните“, туку, според него, во законот треба да биде нагласено дека се работи за албанскиот јазик. Тој вели дека ваквите дефиниции не се во ред.
Села повика да престане ваквото однесување кое според него води кон поделби.Инаку, ВМРО-ДПМНЕ со голем број амандмани ќе го блокира Законот за јазици. Тие деновиве обвинија дека амандманите биле фрлени, но оваа информација беше демантирана од Собранието.