Семафорот на опасниот пешачки во Ново Лисиче никако да светне црвено
Објавено во: Македонија 07 Јуни, 2019
Семафорот каде загина 61 годишна жена во Ново Лисиче пред скоро две недели беше приклучен со струја и од тогаш не престанува да светка жолто.
Минувачите и жителите од населбата на булеварот „Србија“ отакако почнал да светка жолто не виделе воопшто семафорот да светне црвено или зелено па велат дека бадијала е поставен кога не ја врши функцијата што треба да ја врши.
Семафорот беше поставен по скоро осум месеци на несреќниот случај а од град Скопје кога ги контактираше Фактор рекоа дека се чека на Евн и приклучокот на струја.
Сега струја има ама семафорот не работи, па се прашуваме дали чекаме уште осум месеци за да почне да свети и во црвено и зелено?