СЕМЕЈСТВОТО КЕЦМАНОВИЌ ЈАВНО ПРОГОВОРИ: На тој 3 мај завладеа вечна тишина во која секој ден плачеме
Објавено во: Балкан 25 Мај, 2023 18:23
Семејството на момчето кое изврши масакр во белградско училиште на 3 мај проговори јавно.
М.К и В.К., таткото и мајката на 13-годишниот Коста кој уби 9 ученици и чуварот во српското училиште „Владислав Рибникар“, првпат јавно проговорија.
„На тој 3 мај завладеа вечна тишина во која секој ден плачеме од неизлечива болка и тага за секое невино дете кое загина и за Драган кој со толку љубов се грижеше за децата. Длабоко и најискрено жалиме и испраќаме наше сочувство до секое семејство за нивната загуба, што е и наша загуба. Засекогаш во тага, семејството Кечмановиќ“, велат тие.
Мајката е сослушана вчера во белградската полиција, а како што дознава „Телеграф“ разговарот траел со часови. Со неа била и адвокатка Ирина Боровиќ.
„Мајката беше сослушана како граѓанин. Таа зборуваше со часови. Не е обвинета за никакви кривични дела. Таа кажа се’ што и беше побарано, одговараше на сите прашања. Нејзината цел, како и сите други, е да го реши ова, да да се види што бил проблемот и да се најде најдоброто решение за целата оваа ситуација. Што се однесува до приказната дека К.К е дете на разведени родители, тоа не е вистина. Таткото и мајката живеат заедно цело време, тие не се разделени и, како што рече мајката, тоа било хармонично семејство кое соодветно се грижело за своето дете.Исто така изјавила дека никој не можел да претпостави дека К.К., ќе го стори делото за кое е осомничен“, кажал за „Телеграф“ извор од истрагата.
Првото основно јавно обвинителство во Белград утврдува дали мајката на момчето сторила кривично дело запуштање и малтретирање малолетно лице.
Обвинителството во понеделникот испрати барање до Полициската управа за град Белград за прибирање на потребните информации, со наредба да биде сослушана мајката, како и разговор со педагогот и психологот вработен во ОУ „Владислав Рибникар“.
На Градскиот центар за социјална работа му е наложено да изврши дијагностичка проценка на функционирањето на семејството на малолетниот К.К и за ова да поднесе пријава до обвинителството.
Таткото е во притвор за тешко дело против општата безбедност. Тој е сослушан во Вишото јавно обвинителство и го негираше делото.
Oд родителите на другите деца имаше реакции дека училиштето треба да се урне или учебната година да заврши.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Шекеринска: НАТО внимателно го следи руското хибридно мешање на Балканот
Хорор во Чачак: Ги исекол грлата на родителита, па се избодел и си ги пресекол вените
Отсечена главата на шестметарскиот споменик на Тито во Велење
„БАЈРОН“ ПРЕДИЗВИКА СЕРИОЗНИ ПРОБЛЕМИ И ПОПЛАВИ ВО АТИНА - училиштата затворени
ОГРОМНА ГУЖВА, СЕ ЧЕКА И ДО 12 ЧАСА: EES направи хаос на границите со Унгарија и Хрватска
Американски конгресмени бараат од Трамп да го стабилизира Балканот, имаат сериозни забелешки за Србија
ЕВЗОНИ ПОВТОРНО БЛОКИРАН - земјоделците од Грција продолжуваат со протестите
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
„Не добивме позитивна одлука за НИС“: Вучиќ објави дека рафинеријата во Панчево ќе запре со работа
