СЕМЕЈСТВОТО НА ДАНКА СЕ ЛУТИ ЗА ШПЕКУЛАЦИИТЕ: Mајката вети дека ќе одговорат на сите навреди

Добивај вести на Viber

Сè што слушам, слушам на телевизија, вели дедото на исчезнатата Данка Илиќ од српскиот град Бор, по која се трага од вторникот. 

Тој објаснува дека се загрижени и нетрпеливи да дознаат нешто за исчезнатото дете. 

„Информациите се површни бидејќи оперативната работа на полицијата е во тек“, вели за Нова.рс дедото на девојчето, Милан Илиќ.

Милан на почетокот на разговорот кажа дека нема нови информации. Рече дека морал да побара и забрана за одредени новинари бидејќи постојано го малтретирале.

„Го видов видеото, но не знам што да кажам. Сакам да верувам дека е така и дека ќе ја најдат во најбрз можен рок, не смеам ништо да кажам бидејќи полицијата работи, им веруваме, чекам вистинските луѓе да ме контактираат, министерот Гашиќ. Им верувам“, вели Милан Илиќ за „Нова.рс“.

Мајката на девојчето вели дека ја болат шпекулациите и дека ќе одговорат на сите глупости кога работата ќе се заврши. Вети дека ќе одговорат на сите навреди и небулози. 

„Ме болат сите овие шпекулации, обвинувајќи ме мене и мојот сопруг“, рече Ивана.

Таа за Нова откри што се крие зад пишувањата на одредени таблоиди, дека со вештачењето на нејзиниот телефон е откриено дека ги пребарувала граничните премини со Романија, но и до кој степен може кривично да одговара.

„Телефонот беше на форензика, само тоа ќе го кажам. Ако е така, јас не би била мајка која го бара моето дете, мојот статус би бил поинаков. Само сакам Данка да се врати жива и здрава, па потоа ќе разговараме“, кажа Ивана за Нова.рс.

На прашањето дали го гледала видеото од Виена на кое наводно се гледа нејзиното дете, Ивана кажа дека го гледала, но не смее да коментира.