Сенди ќе ја чини САД околу 20 милјарди долари

Добивај вести на Viber

Уништени домови, канцеларии, поплавено метро, затворена берза и најмалку 16 човечки жртви, но ова не е конечниот епилог од штетите кои ги предизвика ураганот Сенди кој вечерва дивееше над источното крајбрежје на САД. Над 6 милиони луѓе, од повеќе сојузни држави останаа без струја. Њујоршката берза беше за првпат затворена поради временски неприлики после 1988-та. Повеќе од 16 000 авионски летови беа откажани. „Ураганот Сенди ќе да ја чини државата најмалку 10 милијарди долари“, изјави Рајан Слатка, аналитичар на Мудис. Според него бурата ќе влијае на околу 60 милиони Американции и ќе експлодира во метеоролошки и економска катастрофа. Сепак и покрај огромните штети, тоа не мора битно да влијае на висината на  годинашниот бруто домашниот производ во целина, појаснуваат од Мудис. „Ураганот на крајот може да одземе 0,1 до 0,2 процентни поени од американскиот бруто домашен производ во четвртиот квартал,  вели Марк Витнер, виш економист во Велс Фарго во Шарлот, Северна Каролина. Економските штети допрва се пресметуват, но според првичните проценки на дел од аналитичарите, Сенди ќе ја чини американската економија меѓу 10 и 20 милјарди долари. „Штетите главно се мерат според уништените домови, инфраструктура и други материјални добра. Во официјалната статистика на САД, трошоците се пресметуваат според проценките на осигурителните компании поножени со два,  бидејќи се претпоставува дека половина од објектите се осигурани“, појаснува Вилајам Нордхаус, професор по економија на Јеил и додава дека во вкупните штети не се пребројуваат загубените работни денови, штетите по бизнисот, загубите од загриженоста и неизвесноста. Но има еден економски парадокс кој се јавува по налетот на ураганите, појаснуваат аналитичарите. Колку и да се деструктивни и штетни, откако ќе помине првиот бран, тие всушост помагаат за собирање на повеќе пари во локалната економија. Куќите и патиштата мора да се обноват, се гради насекаде, што од друга страна пак инјектира свежи пари во економијата. Тоа се случуваше и по пустошот кој го оставија ураганите во Флорида во 2005-та. „Потрошувачката се зголемуваше бидејќи во 2005-та дојдоа многу работници на Флорида, се закупуваа хотелски соби, луѓето мораа да купуваат работи за задоволување на секојдневните потреби, што ја раздвижи економијата во погодената област, појаснува универзитетскиот професор Рик Харпер од Флорида. Сепак, велат економистите, Сенди нема да има големо влијание врз макроекономијата, туку загубите ќе ја заддрмаат само американската економија.