ШАНСА И ЗА МАКЕДОНИЈА: Катар ги укина визите за 80 држави
Објавено во: Свет 09 Август, 2017
Катар ги укинува визите за државјаните на 80 земји, меѓу кои и за Македонија, за да ги стимулира туризмот и авиосообраќајот.
Одлуката стапува на сила веднаш. Од денеска на граѓаните на Македонија, како и на државјаните на другите 79 земји на кои Катар им одобри безвизен режим, ќе им биде потребен само пасош за да влезат во оваа држава. Граѓаните на 33 држави ќе можат да останат во Катар 180 дена без виза, додека на другите 47, вклучувајќи ја и Македонија, имаат право на престој од 30 дена и право за едно продолжување на престојот.
На листата со држави се Велика Британија, САД, Канада, Индија, Јужна Африка, Сејшелите, Австралија и Нов Зеланд.
На странците за влез во земјите од Персискиот Залив најчесто им е неопходна виза која се издава под строги критериуми.
Мохамед Рашид ал-Мазруи од катарското Министерство за внатрешни работи објасни дека при изборот на државите се воделе од критериумите за безбедност и за економска моќ.
Во изминатите два месеци, Катар се најде на црната листа на земјите од Персискиот Залив кои ја обвинија официјална Доха за поддржување тероризам. По ваквите обвинувања, земјите од регионот, освен Иран, ги прекинаа дипломатските односи со Катар и го затворија својот воздушен простор.
Можеби ќе ве интересира
ПОЛИЦИЈАТА ГО УАПСИ: По пукањето во Фицо, маж му се закани на Вучиќ дека тој ќе биде следен
ШЕСТЕ КЛУЧНИ ГРЕШКИ - еве што погреши обезбедувањето на словачкиот премиер Роберт Фиц
ДУБАИ Е ПОДОСТАПЕН ОД БИЛО КОГА: Цените на недвижностите се пониски отколку во центрите на многу балкански земји
ГЕРМАНИЈА ДРАСТИЧНО ГО ЗГОЛЕМИ БРОЈОТ НА РАБОТНИ ВИЗИ ЗА МАКЕДОНЦИТЕ И ДРУГИТЕ БАЛКАНЦИ: Ова се професиите кои најдобро ќе се снајдат, платите одат и до 7.000 евра
ПОЕТ И ОСНОВАЧ НА ЛИТЕРАТУРЕН КЛУБ ПУКАШЕ ВО ФИЦ: Легално го поседувал пиштолот
ФИЦО СЕ БОРИ ЗА ЖИВОТ: Човекот кој пукаше во него е писател
ГЕРМАНЦИТЕ ВО ШОК И КАУФЛАНД ЗАТВОРА: Дел од неговите филијали во Германија заминуваат во историјата
